သြဂုတ် ၂
ထိုင်ဝမ်ကျွန်းနိုင်ငံကို အမေရိကန်အောက်လွှတ်တော်ဥက္ကဋ္ဌ နန်စီပယ်လစီသွားရောက်မယ်ဆိုရင် တရုတ်နိုင်ငံနဲ့ အမေရိကန်ပြည်ထောင်စုတို့ဆက်ဆံရေးကိုပျက်ပြားစေမှာဖြစ်ကြောင်း ကုလသမဂ္ဂဆိုင်ရာတရုတ်သံအမတ်ကြီး ကျောင်းရွှင်းက သြဂုတ်လ ၁ ရက်နေ့က ပြောကြားလိုက်ပါတယ်။
ပယ်လစီက ထိုင်ဝမ်ကိုသွားရောက်ခဲ့ရင် တရုတ်နိုင်ငံက ဒီအတိုင်းထိုင်ကြည့်နေမှာ မဟုတ်ဘူးဆိုတဲ့ တရုတ် အစိုးရရဲ့ သတိပေးစကားတွေဟာ အမေရိကန်ပြည်ထောင်စုအတွက် ခြိမ်းခြောက်မှုတွေဖြစ်လာမှာမဟုတ်ဘူး လို့ အမေရိကန်က ပြောဆိုခဲ့သလို ပယ်လစီက သြဂုတ်လ ၂ ရက် (အင်္ဂါနေ့) မှာ ထိုင်ဝမ်နိုင်ငံကိုသွားရောက်ဖို့ ပြင်ဆင်ထားတယ်လို့ဆိုပါတယ်။
“ဒီခရီးစဉ်မျိုးဟာ အရမ်းအန္တရာယ်ကြီးပါတယ်။ တကယ့်ကို ရန်စတဲ့အပြုအမူလည်းဖြစ်ပါတယ်။ တကယ်လို့ ဒီ ခရီးစဉ်သွားဖြစ်ခဲ့ရင် တရုတ်နိုင်ငံနဲ့ အမေရိကန်ပြည်ထောင်စုကြားမှာ ဆက်ဆံရေးတွေ ပျက်ပြားသွားပါလိမ့် မယ်။” လို့ ကုလသမဂ္ဂလုံခြုံရေးကောင်စီမှာ တရုတ်နိုင်ငံက ဥက္ကဋ္ဌအဖြစ် စတင်တာဝန်ထမ်းဆောင်မယ့်အခမ်း အနားနဲ့ပတ်သက်ပြီး ပြုလုပ်ခဲ့တဲ့သတင်းစာရှင်းလင်းပွဲမှာ ကျောင်းရွှင်းက ပြောဆိုခဲ့ပါတယ်။
အခု ပယ်လီစသွားမယ်ဆိုပြီး လျာထားတဲ့ခရီးစဉ်ကို ၁၉၉၇ ခုနှစ်တုန်းက အမေရိကန်အောက်လွှတ်တော် ဥက္ကဋ္ဌအလည်လာရောက်ခဲ့တဲ့ နောက်ဆုံးအကြိမ်ခရီးစဉ်နဲ့ မနှိုင်းယှဉ်သင့်ကြောင်းကိုလည်း ကုလသမဂ္ဂဆိုင်ရာ တရုတ်သံအမတ်ကြီး ကျောင်းရွှင်းက ပြောပါတယ်။
“အစောပိုင်းကာလက ကျူးလွန်ခဲ့တဲ့အမှားဟာ နောက်ထပ်အမှားကျူးလွန်ဖို့ တရားဝင်ခွင့်ပြုပေးလိုက်တာ မဟုတ်ပါဘူး။ ဒီ့ထက်ပိုပြီးပြောရရင် ထိုင်ဝမ်ကျွန်းက အခြေအနေတွေဟာ ပြင်ပအဖွဲ့အစည်းတွေရဲ့ထောက်ပံ့မှု နဲ့အတူ ပြောင်းလဲနေပါပြီ။” လို့ ကျောင်းရွှင်ကပြောပါတယ်။
“လွတ်လပ်ရေးကြေညာဖို့ ထိုင်ဝမ်ကျွန်းရဲ့တိမ်းညွတ်မှုက နောက်ထပ်ပိုပြီးတော့ ကြီးမားလာနေပါတယ်။ ဒါကို ရပ်တန့်ဖို့ ကျွန်တော်တို့ သင့်တော်သလို အရေးယူဆောင်ရွက်တာမျိုး၊ အင်အားသုံးတားမြစ်တာမျိုးမလုပ်ခဲ့ဘူး ဆိုရင် အခြေအနေက ထိန်းချုပ်လို့ရမှာ မဟုတ်တော့ပါဘူး။” လို့ ကျောင်းက နယူးယောက်မြို့မှာ သတင်း ထောက်တွေကို ပြောပါတယ်။
အမေရိကန်သမ္မတဂျိုးဘိုင်ဒန်နဲ့ တရုတ်သမ္မတရှီကျင့်ဖိန်တို့ ပြီးခဲ့တဲ့သီတင်းပတ်အတွင်း တယ်လီုဖန်းနဲ့ စကား ပြောဆိုတုန်းက ပြောခဲ့သလို တရုတ်တစ်နိုင်ငံတည်းမူဝါဒကို လေးစားဖို့ အမေရိကန်အစိုးရကို ကျောင်းက တိုက်တွန်းလိုက်ပါတယ်။
Ref: UPDATE 1-China says Pelosi Taiwan visit would undermine U.S.-China ties
No comments:
Post a Comment